【Viu】Stanley邱士縉同Ivy So蘇雅琳今日出席《單車百萬行》記者會，Stanley仲即席示範踩單車，可惜係冇單車褲嘅，點解呢？大表哥嘅爆笑回應就搞到Ivy「紅都面晒」兼尷尬遮面，係咪好想知典解呢？
【Viu】金正賢在《KBS 演技大賞》中為6年前的「黑面」事件道歉後引起熱議，今日（6日）宣布將於合約期滿後離開現公司。即睇Viu《K1韓娛新聞》！
【Viu】由Ivana王菀之、AK@MIRROR、童童@小薯茄、Rosa韋羅莎、白只、「阿卵」楊偉倫主演嘅舞台劇《SUCK樂園》，今日舉行記招，唯Ivana因要籌備個唱而未能現身！舞台劇「新丁」AK指既興奮又緊張，暫時未得閒向「前輩」Alton、Frankie偷師！佢預告暫定共15場或有機會分晏晝、夜場，加上有part係要跳唱，所以都好考體力，承諾呢期會盡力食肥自己！
【Viu】2024下半年韓國網民票選的男同志最喜愛男星終於出爐，今次奪得第一名的是首次上榜的演員南潤壽。即睇Viu《K1韓娛新聞》！
【Viu】在韓劇《魷魚遊戲》中飾演朴船長的演員吳達秀，因他的前度女友都有參演該劇而引起熱話。他的前度女友就是飾演44號，自稱「龍宮仙女」的蔡菊姬（又譯蔡國熙）。即睇Viu《K1韓娛新聞》！
【Now.com】歌手炎明熹 (Gigi) 近月傳因合約問題疑被無綫雪藏，絕迹各大幕前工作，工作量大減。外界關注Gigi事業去向，網上有傳她將會簽約Sony Music過檔做一姐。Gigi日前亦在社交平台發文，總結2024年的生活點滴和感受。
【Viu】現年62歲的演員洪真熙近日在節目上坦白曾被劇組PD打壓而引退。即睇Viu《K1韓娛新聞》！
【Now TV】第82屆金球獎（82nd Golden Globe Awards）頒獎禮經已圓滿結束，正式為這場艾美獎後續戰、奧斯卡前哨戰寫下完美句點。早前未開播已獲提名的《魷魚遊戲2》（Squid Game 2）失落了「最佳劇集」獎項，但Netflix則以《馴鹿寶貝》 （Baby Reindeer）繼艾美獎再贏埋金球獎「最佳迷你劇」獎項。
【Viu】Thor駱振偉同Dixon黃奕晨相識十幾年，最近喺ViuTV熱播劇《無用的謊言》中第一次飾演親兄弟，齊齊打理娛樂公司，照顧由Ash鍾卓穎飾演嘅Idol「夏欣」。老友鬼鬼嘅Thor同Dixon，為咗演戲都有唔少嗌霎，三位仲因為同姜濤合作而體驗到「偶像唔易做」，同時明白到做經理人嘅苦況，仲笑言喺演藝圈嘅終極目標係要有專屬保母車，笑到有腹肌呀！
【Viu】合共五場、橫跨兩個周末嘅《This is MC 2 LIVE IN MACAU》演唱會，原定今晚舉行尾場，但由於MC張天賦完成倒數場後患上重感冒，噚晚完騷後仲體力不支，要由工作人員攙扶返回酒店休息，大會剛才宣佈原定今晚舉行嘅尾場要忍痛取消，事關醫生建議MC徹底休息，將延期舉行。
MC剛才綵排後戴上口罩現身場外，向一眾「賦二代」致歉，佢氣若游絲咁話多次嘗試想頂硬上開騷，但最終頂唔住：「因為每次唞氣都好痛……個肺！」一班歌迷心痛之餘，都不斷叫MC加油，亦高呼：「等你呀！」希望MC聽到可以釋懷啦！
其實患上重感冒嘅MC，噚日綵排時已不斷流鼻水，食咗藥頂硬上表演，尾二場喺台上亦不時同觀眾致歉，自覺冇盡歌手嘅責任，保持身體健康。雖然演唱水準冇受病情影響，但就取消咗唱《時候不早》時嘅落台握手環節。
及至唱完最後一首歌《世一》後，MC終於鬆一口氣話：「 必須再多謝每位入場觀眾！幾辛苦都好，終於捱到呢度！今朝3點幾醒咗，我好耐好耐未試過咁唔舒服，必須再一次提醒大家，小心身體，保重身體！再次多謝每一位入場觀眾嘅支持，令我捱到呀！原來有嘢唔得都可以變得，多謝你哋！多謝大家畀咗一個『世一』嘅晚上畀我！」其後MC喺社交網站慨嘆：「世紀！係世紀最病嘅一次！」祝MC早日康復啦！
【Viu】踏入2025年，小編幾乎日日見到MIRROR，可見大家都好勤力！今日就嚟直擊Edan呂爵安出席活動，爵屎除咗迫爆3層商場外，戶外位置亦有大批爵屎撐場，計計埋埋都有近千人，場面熱鬧又墟冚！
向來備受「綜藝之神」眷顧嘅Edan，由室內搭扶手電梯移師室外時，仲不停「Oppa式揮手」，小編一度有身處首爾嘅感覺。期間Edan同爵屎大玩遊戲，自創「ED心心」、「ED三角形」同「ED正方形」，仲忍唔住向Fans致歉，事關令到佢哋要「抛頭露面」咁話！當「試當真」成員Stone同Angelina挑戰打畫片時，Edan仲忍唔住技癢，同「正印」小儀合體做主題，呢舖仲唔係《考有Feel》？
向來寵粉嘅Edan除咗同爵屎大合照外，仲隔住玻璃向樓下嘅Fans揮手，又同小朋友合照，So Sweet！
【Viu】Edan呂爵安今日出席活動，同「正印」小儀喜相逢，又同爵屎大玩遊戲，仲親解「MIRROR遊戲王」排行榜，到底邊位最狼死？邊位係「老鼠屎」？邊位係「遊戲王」呢？係咪好想知呢？
講到細妹「小如豬」po兄妹相賀新年，Edan笑認受寵若驚，仲爆小如豬超生性，將人生第一筆收入全數上繳媽咪同阿哥，自愧不如咁話！
講到最近推出嘅新歌《純銀子彈》引來唔同解讀，等當事人Edan親自回應就最均真啦！想了解更多，大家記得loop爆足本訪問喇！
【Viu】好勤力嘅Ian，噚晚做完音樂會，今日又出動，同Natalie許恩怡、導演梁禮彥到太古城為電影《久別重逢》謝票呀！戲院內觀眾一見Ian梗係開心歡呼啦，講到戲中有冇一幕係比較貼近真實嘅Ian？導演首先答，佢笑話戲裡戲外一樣咁有天份，Ian就覺得傻更更同埋有一種內斂，都喜歡活喺自己世界，聽落又真係好Ian喎！
至於鄭伊健首《我的歌》出現喺電影中，Natalie話唱嗰陣伊健同陳光榮都喺度，好多謝陳光榮寫咗個簡單啲嘅譜，因為佢自己唔係好識彈琴，可以喺開機前send嚟就有時間練習啦！
Ian被問到伊健合唱首同名主題曲《久別重逢》有咩感覺？佢話好似同一個人但係唔同階段咁，係一種「自己同自己有咩想講嘅感覺」，睇咗戲就明佢講咩架啦！錄音前伊健唱咗一次，Ian聽完，再幻想對將來嘅自己有咩寄語，並轉達有咩盼望，大家來回錄音，互相聆聽咁去完成。Natalie就讚佢哋兩把聲好融洽，有時喺屋企同媽咪一齊聽，媽咪會將兩把聲混淆添！
【Viu】樂隊ROVER喺 「零碳演唱會」頭part出場，炒熱氣氛簡直係easy job呀！難得嚟到主題樂園，四子笑話本來想探吓熊貓，但結果啲熊貓被亨仔嚇跑晒？Kim、Jason Loi、希晉繼而笑爆隊中其實亦有隻熊貓，係邊個？答案呼之欲出啦！
【Viu】《培生擂台：無敵盃》今晚喺灣仔修頓場館舉行，前亞視一姐阿儀亦有現身撐早前被捕獲Date過嘅BabyFace，但佢就勁緊張高呼「唔支持佢」，笑C！而喺話題比賽BabyFace大戰魔筋斌叔中，BabyFace被撳住打到坐咗3次落地，最終拳證以安全為由直接終止拳賽，由斌叔獲勝。
【Viu】MIRROR派出Ian、Jeremy、Jer、Stanley今晚壓軸現身「零碳演唱會」，《IGNITED》前奏一起全場秒high爆，一齊焫着！而4子亦有各自solo部份，帶病上陣嘅Jer驚喜首唱新歌《沒終點的青春》，繼續keep住發揮高水準！Jer仲同JACE組「雙J」合唱《間歇性失眠》，呢個live真係超正！
【Viu】Ian@MIRROR今日孖Jeremy、Jer、Stanley壓軸現身「零碳演唱會」，自認唱solo嗰陣有啲壓力，不過利申並唔係關叱咤攞獎事，而係因為覺得最近嘅公開演唱表現唔好，所以呢幾日都有唔開心！Ian深覺演出失準係責無旁貸、冇藉口，已睇返啲失誤片段嚟做檢討，為彌補不足有加強練歌，希望做好啲、用好嘅演出嚟報答一直支持佢嘅Hellosss！
【Viu】COLLAR今日現身將軍澳舉行《Unit 1201》簽唱會，成千Fans逼爆商場呀！7位成員更即席跳唱《SSS》同《CALL BACK IN 20》，氣氛超熱烈！
【Viu】Pakho周柏豪喺新一年第一次出席公開活動，提起依家每次出門都會畀3歲囝囝掹住條褲嗰陣，佢就一副冧樣！佢預告有電視劇洽談中，希望今年可以喺影視上有作品；至於音樂方面，Pakho承諾2025年會最少出3首歌，年尾再去各大頒獎禮報到？點知以往係頒獎禮常客嘅Pakho，自信心急降：「都要睇吓受唔受歡迎嘛！唔受歡迎我咪冇資格參加頒獎禮囉！」又謂自己覺得好聽啫，未必個個人都覺得好聽，聽落好似有弦外之音？Pakho又再點答呢？
【Viu】久未喺香港露面嘅Dicky張衞健今日現身活動，講到今年嘅大計，佢搞笑自稱冇乜planning，都係見步行步，嚟緊2月就會同兄弟許志安飛洛杉磯開騷！講到興起，Dicky漏口風指今年中後期有機會喺香港開騷：「個陣容係⋯應該係要去紅館先做到！」但Dicky就冇再講進一步嘅detail啦，莫非會係Big Four？
| 1 | 2 | 3 | 4 | 5 | 6 | 7 | 8 | 9 | 下一頁 |
