【Viu】有傳聞指歌手兼演員2PM成員李俊昊因逃稅被調查，經理人公司回應事件。即睇Viu《K1韓娛新聞》！

【Viu】葛民輝同Jan林海峰今日出席快餐店50周年活動，適逢今日係阿葛57歲正日生日，「軟硬天師」即席「騎刧」生日會，仲喺訪問度化身「謹慎Sales」瘋狂暴走，笑爆全場！

【Viu】公認靚聲王Chris黃凱芹嚟緊1月就會喺戲曲中心開騷，今次嘅Partner來頭就勁囉，係顧家輝愛徒杜自持。二人20幾年嚟合作無間，但原來兩位都有藝術家脾氣，火星撞地球，二人不諱言會扯火添！仲試過喺舞台發惡，咁最後又會點拆返掂？

【Viu】JACE陳凱詠、黃妍、力臻同Michael C.今日為戶外音樂會演出，JACE自認捱得唔怕凍，皆因早排孖同學仔去韓國旅行，零下兩度依然可以著短褲仔行街，真係抵冷貪瀟湘呀！雖然全女班去韓國玩，但係JACE慨嘆完全冇艷遇，又笑言就算Fans早排掛埋「我養你」Banner都對自己嘅桃花運冇幫助，不過自己今年希望專注音樂，唔心急拍拖嘅！講到韓國今日發生空難，JACE坦言睇到新聞都猶有餘悸，但意外避無可避，惟有活在當下。

至於嚟緊嘅《叱咤》頒獎禮，JACE不諱言當參加Party，但都希望好友YT大哥可以再下一城。講到JACE早排喺903籃球賽期間得悉另一老Best鍾雪瑩封金馬影后嘅表情包被網友無限Loop，如果YT得獎又會有咩表情包呢？想知就睇足本訪問啦！

【Viu】Sica今日著短裙仔為戶外音樂會表演，原定同老友Win Win拍住上，可惜對方因發燒同腸胃炎缺席，牙席承諾會好好照顧嘔吐不止嘅Win Win呀！Sica透露除夕會同一班老友去露營倒數兼睇日出，但為咗喺《叱咤》扮演一個「花瓶」，自己會「割禾青」早啲落山。

Sica又預告新一年會同神秘嘉賓合作，咦？莫非對象係「頭號男神」林家謙？Sica就坦言向家謙邀咗一首歌《我們只有一往直前》已經心滿意足，唔敢再進一步，但就自爆喺唱片舖開門前就去排隊買男神新碟，首首歌都loop咗過百次喇！

正所謂「追星能醫百病」，Sica就開心Share點樣靠YOASOBI同NewJeans解開處女個唱被批評嘅心結，仲爆埋今晚嗰集《P1X3L 5G上位計劃》有巨大驚喜，想知就睇足本訪問啦！

【Viu】新城電台舉辦的《新城勁爆頒獎禮2024》圓滿結束！林家謙連奪「勁爆男歌手」金獎、「勁爆年度專輯」，慶功宴上孖同樣攞咗兩個獎嘅Jeffrey一齊受訪！積肥直言攞獎係對團隊嘅肯定，今年有份幫佢寫歌嘅家謙秒求慰勞，Jeffrey又點神回？家謙指呢年寫咗44.5首歌，打破自己紀錄，呢位少年堅係好拼勁喎！

【Viu】AK今日為BANDAI Card Game Fest任頒獎嘉賓，呢位One Piece忠粉全程堅開心，又帶咗幾張珍藏出嚟見細叔伯，佢話個笑容係跌出嚟，仲話公司冇人明佢喎！笑C！AK又話每月會花4位數買Card，某啲Card已升值至過萬，開心仔！佢又分享有比賽Card值逾百萬添！

AK日前驚喜現身兄弟Ian新戲《久別重逢》謝票場，佢話係搲公司先有一張飛咋，又大讚兄弟表現，同時又葡萄陳仔同男神伊健合作。

講到AK成為新鮮出爐嘅全球百大型男2024嘅第23位，佢謙爆話係虛名。又提到奪第2位嘅姜濤喺IG透露「感尷尬」，希望大家以後唔好再推佢上榜，AK就話明姜Admin用意，唔想浪費Fans私人時間。AK又預告Solo新歌應喺農曆年見街，生粉們想知更多？睇足本訪問片啦！

【Viu】張敬軒今日驚喜現身《新城勁爆頒獎禮2024》，捧走三個大獎「勁爆年度歌手」、「勁爆唱作人」金獎、「勁爆年度歌曲」！佢笑話都缺席咗幾年，大讚今年新城對佢好好，改喺晏晝舉行，可以等佢轉頭飛去澳門搵真銀！而對今年攞獎嘅信心，軒公指隨心，因為呢年主力都係開演唱會，出年再出多啲歌！

軒公透露現已安頓好父母，搞笑話兩老喺呢兩個禮拜自由搏擊中，暫時張媽勝出！軒公爆張媽近年崇尚自然療法，屋企好似藥劑舖咁充滿精油不特止，張媽仲考埋個精油師牌添！軒公更發現被張媽「落毒」，搞到佢㷫烚烚瞓唔着！

講到軒公被網民野生捕獲同Ian@MIRROR食宵夜，佢笑話咁都畀人影到！而真相原來係軒公嘅騷後慶功宴，仲要係有齊軒公嘅姨媽姑爹，佢笑Ian堅係I人，全程鬼死咁怕醜！嚟緊Ian就會走tour，軒公又會唔會做嘉賓呢？快啲睇足本訪問啦！

【Viu】宋旻浩再被爆服役期間怠慢職務，韓媒《Dispatch》指共有6位相關人士爆料。即睇Viu《K1韓娛新聞》！

【Now.com】喜歡小品恐怖遊戲的玩家，相信也不會對日本獨立恐怖遊戲《8號出口》（8番出口）這款作品感到陌生，最近電影公司東宝公開遊戲的真人版電影預告片，還原了遊戲中的經典地鐵出口隧道場景。各位恐怖遊戲迷又會否入場觀看？

【Viu】宋仲基日前接受媒體訪問，罕見分享家庭生活，更幸福大曬女兒照片。即睇Viu《K1韓娛新聞》！

【Viu】港版《無用的謊言》已經播咗幾集，193飾演嘅高嘉豪都得到唔少網友嘅讚賞，大讚3爺係造型同演技上都有突破！193親解突破造型嘅「誕生之謎」，仲剖析埋戴住副單邊colour con嘅生活唔易過㗎！

講到喺戲中為咗幫細妹報仇，所以每次見到姜濤都喊打喊殺，3爺笑言其實「真．3妹」都有份演出，又話同姜Admin嘅對打戲難度好高，甚至有「愚公移山」Feel，喂呀？呢四個字會唔會有太多想像空間呢？

其實一直想認真演戲嘅33，坦言從小都受劇集影響，希望自己嘅努力終有一日會畀偶像睇到，包括由細鍾意到大嘅鄭伊健？想知193同鄭伊健有咁淵源，睇專訪就一清二楚啦！

【Viu】「宇宙天團」ERROR今日現身旺角報佳音，順道為1月25號舉行嘅會展騷《What’s going Wrong》化身「賣飛天使」，Dee哥仲即席獻唱改編版《Last Christmas》，道盡賣飛辛酸史，SLDPK呀！

ERROR坦言可以親自落區見404好開心，銷情都唔錯㗎，希望可以加場兼開Tour，大家齊齊集氣啦！講到404許願有花姐做嘉賓，ERROR就爆笑回應，勁歌熱舞就梗㗎啦，至於除衫呢Part呢，似乎就有啲阻滯喇！

此外，Fatboy被保錡「立Flag」送Labubu；3爺就自爆為《無用的謊言》撞到「起樓」；Dee哥就還原Edan噚晚喺《MIRROR Chef》爆嘅「垃圾聖誕禮物」事件，想笑住過Boxing Day就睇足本訪問啦！

【Viu】Elanne江若琳自月中發生交通意外後，今日首現身公開活動報平安！佢先感謝各界朋友對佢嘅關心，笑言個電話被炸爆、啲message覆咗3日都未覆得晒，好彩執返條命仔，冇穿冇爛咁出嚟見大家！

講返事發經過，Elanne話仲係心有餘悸，又指其實當日出車嗰刻都feel到個油門怪怪地，但以為只係自己嘅心理作用，點知去到尖沙咀就出事，亦估唔到即使車速唔快，但個衝力都足以令架車翻側，萬幸車內冇囝囝肥包！Elanne發生事故後雖然個腦一片空白，但第一時間諗到嘅係要求生，感恩有途人救佢出嚟，令佢好感動！

事後有網民將出事地址改做「江若琳彎」、「江若琳技術彎」，就連老公Oscar蕭唯展都有份取笑，自認抵笑嘅Elanne大叫失禮又尷尬，不過佢利申個車牌有十年以上，相信唔會係技術問題！Elanne認撞車後有陰影，短期內自行「停牌」，只敢做乘客，或者之後要打多啲機克服！佢都不忘放閃讚老公勁sweet，即刻安排咗個日本短trip畀佢散心！

同場仲有四缺一嘅Beanies，噚日佢哋點過聖誕？Jaime嘅好姊妹kayan9896臨聖誕前夕自爆甩拖，有冇關心kayan？外界指kayan拜金，Jaime又點幫好姊妹平反？即刻睇足本訪問啦！

【Viu】Jeffrey今晚變身聖誕小鹿，喺元朗出席戶外騷同咖啡豆幸福過佳節，佢更係預先畫咗成百張聖誕咭，沾沾笑話啲畫畫天份爆發晒出嚟！而當Jeffrey唱《失約巴黎》嗰陣，仲專登跑到另一邊場外派福利，極級寵咖啡豆呀！

最近剪咗短髮嘅煨sir，搞笑話每日要最佳狀態先襯個頭，如果唔係嘅話就慘不忍睹！咁唔知Jeffrey又點睇啲網民話佢似陳冠希？日前做冬嗰日，佢同《焚城》班兄弟齊齊撐劉德華紅館騷，Jeffrey對華仔又唱又跳足3粒鐘超respect！而嚟到年尾，佢形容今年係經驗之年，喺唔同範疇都儲落唔少經驗，幾時會等到Jeffrey開個人騷先？

同場Lolly Talk以聖誕裝靚靚亮相，佢哋不約而同話聖誕節可以同波板糖過好興奮，仲專登設計咗8張聖誕咭喺唱《六度相隔理論》嗰陣落台送畀波板糖！入面會唔會有唇印、會唔會有香味？Yanny有冇噴咗啲臭屁香水落去先？「真實用家」阿蛋、Sinnie、Ah Yo、Tania又點畀Yanny整蠱？獲得一堆「初心」紙皮嘅「鄭紙皮」Elka，又係咪真係有喺澳門帶返香港？

聖誕佳節，LT話私下冇特別交換禮物，但Yanny就炮製愛心甜品送畀姊妹！Ah Yo最近榮升老闆娘成立自家個人品牌，會搵姊妹做生招牌？另外，12月壽星Tania、Ah Yo又點過生日？快啲睇足本訪問啦！

【Viu】金鍾旼早前在《KBS演藝大賞》上預告自己明年將結婚。即睇Viu《K1韓娛新聞》！

【Viu】BIGBANG成員G-Dragon被指戀上演員韓素希，雙方經理人公司都有回應。即睇Viu《K1韓娛新聞》！

【Viu】身為樂壇新丁嘅樂隊ROVER，早前推出第四首歌《陪我一路漫遊》，作為新人年嘅小總結，多謝一直陪伴ROVER仔同行音樂路嘅兄弟、工作人員同粉絲RADAR！

ROVER解構新歌MV概念，到底黑圖放題係邊位嘅idea呢？ROVER手執嘅「終極黑圖」又有幾猛呢？等ROVER仔使出超強畫功嚟「出賣兄弟」啦，笑到有腹肌呀！

講到一世人一次嘅新人獎，ROVER仔又有咩期望呢？除咗準備得獎感受，攞唔到獎嘅表情管理都係必須㗎，等ROVER仔示範一下啦！

【Viu】「《破．地獄》破．紀錄千人慶功宴」，今晚喺紅磡一酒店筵開逾80圍同過千影迷狂歡，由文武二獅帶領一眾演員行紅地氈進場。當Michael許冠文進場時，全場大叫「Hello文」，場面熱鬧！

席間英皇集團主席楊受成豪送多份大禮，包括每位演員一面金牌，又公開感謝「許冠文神」同「子華神」，笑言如果搵兩位「收平啲」嘅演員，一定唔會破紀錄；當楊生點名讚衛詩雅表現出色時，詩雅感動到眼泛淚光，場面感人！

最後楊生送上兩份重量級禮物畀「兩神」，分別係炒價高企嘅限量版名錶「綠水鬼」畀Michael San，以及價值逾20萬、有「紅酒之王」之稱嘅Domaine de la Romanee-Conti靚酒，震驚全場！Michael San仲親自還原楊生送錶原因；而子華神就話要搵女人幫佢生女，想知點解就睇現場實況啦！

【Viu】英皇集團主席楊受成、導演陳茂賢、衛詩雅、周家怡、朱栢康等今晚出席「《破．地獄》破．紀錄千人慶功宴」，席間一眾演員恭喜朱康，事關香港同澳門票房已高達1億4千3百萬，貼近朱康事前估計嘅1億5千萬票房，就快成為贏家喇！詩雅、家怡同朱康希望可以原班人馬開續集，戲名都諗埋喇，係咪好想知呢？