【Viu】 Michael許冠文同黃子華今晚再度合體現身「《破．地獄》破．紀錄千人慶功宴」，妙語連珠梗係常識啦，Michael San仲飲住白蘭地做訪問，可想而知幾咁開心啦！兩位仲百無禁忌話希望《破．地獄》上到賀歲檔，最好上埋「清明檔」同「重陽檔」，咁就真係猛喇！

【Viu】Michelle衛詩雅、黃浩然、前港隊劍擊運動員張小倫，以及長跑運動員屈旨盈、羅映潮、莊司暘等等，今日喺中環出席「中銀香港Power Up全城起跑禮」，相當熱鬧！

作為活動大使嘅Michelle同浩然，平時有冇同另一半齊齊跑呢？Michelle話未婚夫周醫生有教佢踢波，仲會一齊游水，至於佢定未婚夫運動細胞比較強？佢就好sweet咁話互補，好閃啊！而浩然就踢爆太太係急步行，一家人都會藉住運動增進感情，正啊！

【Viu】歌手兼企業家徐東旭日前（18日）病逝，終年50歲。即睇Viu《K1韓娛新聞》！

【Viu】朱玲玲、趙雅芝、陳茵媺、朱凱婷同戚黛黛今日代表「慧妍雅集」現身發哥嘅慈善攝影展，仲好留心聽講解，絕對係5位好學生。芝姐不斷花式派心畀圍觀嘅Fans，超Nice呀！

「永遠嘅馮晴晴」芝姐大談同發哥合作嘅趣事，雖然未曾做過發哥嘅Model，但今次參觀相展都勾起唔少回憶，最難忘「許文強」發哥精力充沛周圍走同熱心助人，如果有好劇本都唔排除再合作，如果加埋「丁力」呂良偉就Perfect喇！

此外，芝姐表示已經睇咗阿仔黃愷傑有份演出嘅電影《焚城》，仲自認係劉德華同莫文蔚嘅Fans，咦？咁幾時可以喺香港嘅影視作品再睇到芝姐演出呢？睇足本訪問就知啦！

【Now.com】《全民造星V》冠軍Lyman（香胤宅）為慶祝入行一年，在聖誕節前夕推首部跳舞片，向各位香印提籽（粉絲暱稱）提早慶祝，Lyman又預告明年將陸續推出不同類型的跳舞片，目前正上堂進修做好準備，迎接不同工作機會。

【Viu】李彩演曝自己因傷而需要暫停舞蹈活動。即睇Viu《K1韓娛新聞》！

【Viu】全球最大彈跳派對《The Big Bounce 世界巡迴香港站》殺到嚟西九藝術公園大草坪啦！Alice許寶恆率先幫大家開心試玩場內4大巨型充氣遊樂區，包括有：全球最大充氣城堡、The Giant、airSPACE Pink Alien、Sport Slam，由即日起至2025年1月5日有得喪跳啦！

講到面積最大嘅就一定係「全球最大充氣城堡」，佔地超過16,000平方呎、頂峰達10米高，入面有巨型滑梯、攀爬塔、籃球架等，玩到Alice樂而忘返！佢仲特別點名城堡入面有個DJ live section，去到夜場「黑夜彈跳派對」就有DJ打碟播歌，令Alice覺得超surprise，笑言有種置身喺另類clubbing嘅感覺，將現場氣氛推至最高點！

最估唔到嘅係原來Alice都有興趣做DJ喎，原因係可以自肥播自己鍾意嘅歌，唔知《逆行星》係咪必定on song list呢？不過Alice就好firm話想邀請P1X3L 5G嘅好兄弟姐妹嚟打碟，如果有機會可以喺呢個場拍攝就更加好啦！咁邊位成員玩跳彈床最叻？邊位成員冇乜運動細胞？手心又係肉、手背又係肉，Alice又會點揀呢？

另外，節目《P1X3L 5G上位計劃》正熱播中，Alice劇透自己會升level做「新人類」，事關佢接受一項同高空有關嘅大挑戰！跟手再爆埋Marco醉咗不醒人事？醉嗰個竟然唔係Sica？之後仲想挑戰咩item？連續roll機24小時咁激？想知就即刻去片啦！

【Now.com】現年26歲的女藝人吳家忻（kayan9896）去年與Locker（林家熙）分手後，今年3月爆出與「Ball后」薛芷倫長子馬桂烽（Justin）拍拖，2人一度愛得高調，母親節時更出席男友的家庭聚會，發展順利。不過周日（22日）凌晨，吳家忻突然在社交平台宣布與富三代男友已分手！

【Viu】Woohoo！大家等到頸都長埋嘅港版《無用的謊言》今晚首播喇，就等姜濤同Stanley邱士縉親自為大家解構角色，姜姜仲分享埋初入行「易容」出街嘅趣事，以及喺「姜濤灣」疾走嘅回憶，Stanley即笑言好想經歷吓呀！

講到拍攝花絮一出，網友即要求「大表姜」拍BL劇，姜Admin即嗲爆Stanley求答應，而大表哥嘅反應，相信大家都估到，仲話已經明文禁止姜濤嘅一項「進擊」行為，會唔會太Real呀？

又True又靚仔嘅大表姜，仲暢談對謊言嘅睇法，連那些年點樣講大話呃媽咪都爆埋，咁Real嘅訪問唔睇就走寶喇！

【Viu】黃百鳴、MC張天賦、Shirley陳欣妍今日為新片《誤判》謝票，雖然MC同百鳴哥同場，但萬眾期待嘅《記憶棉》世紀合唱係冇發生嘅，MC就話留返之後有機會上百鳴哥嘅Youtube Channel先Jam吓歌，又大讚百鳴哥Keep得好，睇到對方嘅8嚿腹肌先驚覺自己喺戲中有肚腩，所以要「下定決心」做好一件事呀！

講到《小心碰頭》無緣殺入「叱咤我最喜愛的歌曲」五強，MC就話唔失望，反而戥老友洪嘉豪嘅《黑玻璃》受歡迎高興，咦？咁百鳴哥又會唔會cover《黑玻璃》呢？想知就睇足本訪問啦！

【Viu】黃德斌、「Dee哥」何啟華、Jeffrey、Locker、王菀之、廖子妤、王丹妮、梁仲恆同黃愷傑今日出席《焚城》聖誕維港遊船河，同一眾Fans齊齊遊維港，Dee哥仲即席請嚟「死腳膠」嘅Titanic上身，Scream住叫岸邊嘅朋友捧場，場面爆笑！

Dee哥同Locker訪問時大放笑彈，仲講埋書面語，小編真係學到好多嘢，可惜堅拒除衫咁解囉！講到首踏啟德場館演出，Dee哥坦言感覺新奇，亦體諒新場地設施失靈，令提詞機驚變「老虎機」！

至於ERROR聖誕落區報佳音，Dee哥就預告花姐會主動「獻身」，聽到Locker手都震埋，笑爆呀！Locker亦大方回應舊愛kayan9896同闊少分手一事，想知就睇足本訪問啦！

此外，Jeffrey自爆同德斌兄踩單車時，前輩快到連尾燈都睇唔到，又公開爭取同德斌兄出合唱歌，敬請期待！

【Viu】Ian陳卓賢、Natalie許恩怡同導演梁禮彥今日為電影《久別重逢》努力跑謝票場，下午喺沙田嘅一場謝票，Natalie講到深刻場景，佢話有一場喺禮堂拍攝Ian飾演嘅蘇昇華要彈奏唔同旋律，Ian竟然可以即時按照唔同嘅答案去彈相應感覺嘅旋律，覺得Ian彈得好準好勁，而Ian就解釋嗰吓好即興，如果而家要彈返嗰個旋律，恐怕都好難exactly彈返出嚟！而Ian自己覺得好多幕都好深刻，有一幕佢喺沙灘見到伊健，因為喺劇入面冇諗過會見到將來嘅自己，覺得同呢個人有種熟悉感，現實生活中如果遇到將來嘅自己，佢會講啲咩？Ian話會握個手，同佢講「辛苦晒」，同埋寒暄幾句喎！

後來有觀眾問Natalie同伊健合作咩感受？佢話完全冇大前輩嘅感覺，因為伊健冇偶包，成日同人傾偈，令到劇組氣氛輕鬆，覺得伊健係希望氣氛輕鬆令到自己都冇咁緊張！

至於最難演繹係邊部份？Natalie話耍骨灰嗰場好有挑戰，劇本原本寫會見太陽，但天氣預告話拍攝嗰日唔會有太陽，導演就寫另一個版本，拍戲唔知會發生咩事，到埋位先知，好彩團隊都好好配合得好快！而Ian就話好難特定講係邊一場，反而係呢個角色偏向內斂，又要畀人察覺一啲變化，要演繹點樣表露出嚟都唔容易，佢有諗過為個角色加啲嘢去突顯某方面特質，但覺得平淡當中先有啲唔同情緒感受，而並非喊得好勁就代表好傷心，有時平淡傷心先更加貼近角色，想知更多睇現場實況啦！

【Viu】古天樂、GiGi梁詠琪、Louise王丹妮、周秀娜、胡子彤、伍允龍、張文傑等，今日首度齊腳現身賀歲片《臨時決鬥》宣傳活動，同400粉絲即席玩猜皇帝遊戲，塞爆商場呀！古仔講笑話細個冇玩猜皇帝，但玩咩就唔講得。魚蛋妹王尹菁就爆同學會玩到打面仔。

【Viu】電影《誤判》今日首日上映即派出「大老爺」Michael許冠文、監製黃百鳴出動謝票！Michael指有《破·地獄》嘅謝票經驗，習慣咗馬拉松式連去幾間戲院，所以一早醫飽個肚做定準備！黃百鳴指對票房好有信心，Michael更直言打賭票房破億添呀！話晒Michael以前都夾過band，會唔會趁謝票同「黃百棉」百鳴哥開金口jam吓歌派福利？點知Michael話唔支持百鳴哥唱歌，點解呀？Michael又會唔會着返套大法官裝見影迷？

【Viu】《CHILL เก่ง Music Festival》最後一part，終於等到MIRROR 12子齊人出場啦！同泰國甜美巨肺女歌手BOWKYLION cover近期hit爆嘅《APT.》！見MIRROR上一秒霸氣升上台，下一秒卻鬼馬改歌詞，將《APT.》頭一句改咗做「MIRROR最鍾意玩嘅遊戲」，極大反差萌呀！全場聞歌即陷入瘋狂狀態，仲一齊大合唱，可想而知呢首歌嘅威力堅係強勁呀！

【Viu】今晚喺新場啟德體藝館舉行嘅《CHILL เก่ง Music Festival》，又點少得教主Anson Lo呀！佢同人氣靚仔泰星Jeff Satur分別以廣東話同泰文合唱對方嘅《神隊友》同《Ghost》，仲鬥飆高音，正到裂！

【Viu】嚟到《CHILL เก่ง Music Festival》嘅港泰女團跳唱crossover環節啦！香港代表有COLLAR、泰國則派出4EVE，兩隊都睇得、唱得又跳得！點揀好？why not both？小朋友先做選擇㗎嘛！

【Viu】《CHILL เก่ง Music Festival》今晚喺啟德體藝館勁熱鬧，仲分別有Edan@MIRROR唱《LOVERSE》、AGA唱《Unfamiliar City》、泰星D GERRARD唱《Isekai》。三人雖然冇跳舞，但Rap唱《GALAXY》，勁炸台！表演完後，D GERRARD更主動同兒登、AGA攬攬，巧有愛。

【Viu】《CHILL เก่ง Music Festival》今晚喺啟德體藝館舉行，姜濤@MIRROR同泰國組合SERIOUS BACON嚟個crossover，合唱冧歌《蒙著嘴說愛你》！惟一開始出現音響故障，Cakethy@SERIOUS BACON 枝咪突然失靈冇聲，見Cakethy淡定應對超pro，廣東話方面同Johnmuang都相當標準，大讚呀！而姜濤冇幾耐就現身加入，全場嘅姜家人見到男神即出盡全力歡呼應援！快啲去片聽歌啦！

【Viu】《CHILL เก่ง Music Festival》今晚喺新場啟德體藝館開唱！打頭陣先有Jer、Lokman、AK、Tiger@MIRROR、ERROR、ROVER炒熱現場氣氛，互唱團歌《IGNITED》、《回魂術》、《無敵聖衣》一秒焫着全場！然後MIRROR正、副隊長Lokman、AK帶領全員走到延伸台同fans互動，再一字排開合唱《娛樂人生》！快啲去片感受場館內嘅氣氛係有幾咁熾熱啦！